Сите знаеме што претставува стресот, зар не?Го среќаваме секој ден. На работа, во сообраќајот, во домот, за време на долгите ноќи кога не можеме да заспиеме, па дури и во оние моменти кога свесно се обидуваме да земеме здив и да се опуштиме. Стресот стана наш постојан придружник. Тивок, упорен и често незабележлив, но сепак присутен. Во претходната објава зборувавме за тоа што е стресот, од каде произлегува и како се рефлектира во нашиот живот. Денес, одиме чекор подлабоко, зборувајќи за неговата улога врз нашето здравје.Едно е сигурно, стресот предизвикува бројни физички и психолошки реакции во телото. И додека многумина го чувствуваат како „ментален притисок“ или емоционален товар, стресот не е само мисла,чувство или расположение. Тој е биолошка реакција. Реален е, се случува во секунда, но последиците може да траат со месеци, па дури и години. Тоа што започнува како „ќе помине и овој напорен ден “ брзо се претвора во физичка реакција што се вгнездува длабоко во телото. Најчесто, незабележливо. Но, телото памети и реагира, а првиот аларм може да дојде токму од мускулите. Еден од првите сигнали на прекумерен стрес во телото е токму зголемената мускулна напнатост , која често се јавува како болка во вратот, рамената и грбот. За многумина, оваа напнатост е секојдневна појава што неретко резултира со главоболки. Но ефектите од стресот не се ограничуваат само на мускулниот систем. Тој влијае и врз респираторниот и кардиоваскуларниот систем, како и врз гастроинтестиналниот тракт, предизвикувајќи низа дополнителни симптоми и нарушувања кои можат сериозно да го нарушат квалитетот на живот. Така, покачената концентрација на хормонот на стрес во крвта го забрзува срцевиот ритам и предизвикува зголемување на крвниот притисок. Ова може да доведе до кардиоваскуларни заболувања како што е високиот крвен притисок (хипертензија), зголемувајќи го ризикот од срцев или мозочен удар. Доколку пак зборуваме за дигестивниот систем, речиси нема човек што не ги почувствувал последиците од стресот „во стомакот“. Чувството на тежина, надуеност, губење на апетит , мачнина, па дури и константна болка, се симптоми кои често ги препишуваме на храната, но зад кои многу често стои стресот. Хроничниот стрес, особено може да ја наруши рамнотежата на гастроинтестиналниот тракт.Зошто ова е важно? Дигестивниот систем е столб на нашето целокупно здравје, а од него може да зависи и нашата најсилна одбрана, имунолошкиот систем. Малкумина знаат дека над 70% од имуниот систем се наоѓа токму во цревата, каде што се произведуваат и најголемиот дел од антителата тип IgA, клучни за заштита на мукозните површини од надворешните патогени. Тоа значи дека секое нарушување во гастроинтестиналниот тракт, било од последици на хроничен стрес, нарушен микробиом или воспаление, директно го загрозуваат имунолошкиот одговор на телото. Затоа, кога телото е под постојан стрес, не е доволно само „да се смириме“. Потребна е внатрешна поддршка, онаа за која често пати и зборуваме. Orthomol Vital содржи внимателно избрана комбинација на микронутриенти кои играат клучна улога во нормалното функционирање на нервниот систем и енергетскиот метаболизам, поддржувајќи го нашето тело во периоди на замор, исцрпеност и зголемен психофизички стрес. И кога честопати повторуваме колку е важна грижата за себе, не мислиме само на кратките моменти на одмор, туку и на долгорочната поддршка што му ја давате на вашето тело одвнатре. Запомнете, рамнотежата не се постигнува случајно.Таа се гради со свесни избори, секој ден. До следната објава.Вашиот Orthomol.
Што точно претставува стресот и како нашето тело реагира на истиот? Кои се причините и предизвикувачите и кои се здравствените последици кои мора да ги препознаеме. Денес зборуваме токму на оваа тема. Стресот претставува психосоцијален товар кој предизвикува вознемиреност и може да ја наруши менталната и физичката благосостојба. Во литературата честопати ќе прочитате дека стресот е сигнал, адаптациска реакција за опасност и одговор на телото на некое барања или надворешна дразба. Тоа значи дека стресот има своја функција, дел е од нас, нашето секојдневие и составен живот во целина. Но дали тоа значи дека треба да го прифатиме? Секако дека не. За да може успешно да се справиме со него, најпрво мораме да го разбереме. Причинителите што доведуваат до стрес се т.н стресори, поточно стимуланси, кои можат да бидат надворешни, но и внатрешни, психолошки и социјални. Замислете ги како фактори, ситуации или животни настани кои сериозно го загрозуваат или нарушуваат балансот на нашиот организам, односно нѐ ставаат во ситуација да извршиме одредено дејство под притисок и во момент кога нашето тело не располага со доволен капацитет за одговор. Така, надворешните стресори се секојдневните ситуации кои ги перципирање како заканувачки. Бучавата, времето, сообраќајниот метеж, времето на чекање, болеста, критиката и слично. Внатрешните од друга страна пак, се поврзани со нашето воспитување. Станува збор за тоа како ги перципирање ситуациите и луѓето, како и за начинот на кој ги градиме нашите очекувања во однос на нив. Психолошките стресори се предизвикувачи на стрес што ги перципирање како психолошки стресни. Тие вклучуваат субјективни фактори како што се: прекумерните или недоволни барања, нејасните цели и желби, временскиот притисок, прекумерните барања за постигнување на одредени перформанси и конкурентскиот притисок. Би се сложиле дека ова наликува на еден просечен работен ден на секој човек денес. На крајот, социјалните стресори придонесуваат за појава на т.н. психосоцијален стрес. Во оваа категорија спаѓаат малтретирањето, односно вознемирувањето, социјалната изолација, чувството на осаменост, токсичната работна атмосфера, хроничниот недостиг од време и нарушената внатрешна комуникација. Сигурно забележувате дека стресот може да биде резултат на многу различни фактори и предизвикувачи, но индивидуалноста е една од најспецифичните карактеристики за тоа како секој од нас го доживува влијанието на стресорите. Начинот на размислување, средината во која делуваме, нашите гени и воспитување, сопствената животна историја, но и низа психолошки фактори од кои зависи нашата индивидуална реакција играат клучна улога во способноста и можностите да се справиме со неа.Едно е сигурно. Стресот не е едноставен, ниту униформен феномен. Но она што е заедничко за сите нас е неговото влијание. Стресот остава белег. Белег во нашето расположение, секојдневното функционирање и најважно здравјето. Споменавме здравје. Но дали навистина знаеме како и во колкав обем стресот влијае на нашето здравје? Со други зборови, дали „ќе помине и овој ден“ е правилниот одговор за ефикасно справување со истиот? Следете нѐ, бидејќи следната недела зборуваме токму за тоа. До следната објава.Вашиот Orthomol.
Со Orthomol Vital.Подготвени. За живот. Нашите заложби за поголема виталност и енергија продолжуваат и овој месец. Искористете го промотивниот попуст на ортомолекуларната комбинација на Orthomol Vital m и Orthomol Vital f кои ги содржат најважните микронутриенти за мажи и жени. Без лактоза и глутен, специфичната комбинација на микронутриенти го поддржува нормалниот енергетски метаболизам, овозможувајќи ви полесно да се справите со заморот, исцрпеноста и стресот. Со витамин B-комплекс, омега-3 масни киселини, витамини A, C, D и Е, но и елементи во трагови (како магнезиум, железо, цинк и калциум), Orthomol Vital обезбедува целосна поддршка на вашата енергија. Замислете ги, како секојдневна целна поддршка на нервниот систем, заштитувајќи го вашето тело од болестите предизвикани од стресот. Не пропуштајте 20% промотивен попуст: Orthomol Vital f од 01.08.2025 до 31.08.2025во форма на вијали од 4.100 денари на 3.280 денари Orthomol Vital m од 01.08.2025 до 31.08.2025во форма на вијали од 4.100 денари на 3.280 денари Станете дел од семејството на Orthomol и дознајте повеќе за палетата висококвалитетни витамински и медицински производи посветени на вашето здравје и благосостојба. Не заборавајте: вистинската грижа за здравјето започнува одвнатре. Промоцијата важи до 31.8.2025 година, во аптеките Фила во Скопје и Струмица. Повеќе информации за промоциите и производите:+389 (2) 3104 926; +389 70 370 865; Фила Аптека Скопје, клиничка болница „Жан Митрев“+389 (34) 320 303; +389 71 370 534; Фила Аптека Струмица, „Жан Митрев Дијагностик“+389 71 261 966, +389 2 310 4996 , Orthomol Македонија
Да бидеш бремена во лето е како да го носиш сонцето во себе – топло, силно и полно со живот. Ова е период во кој твоето тело создава чудо, а природата околу тебе го рефлектира тоа. Сè е живо, енергично и живописно, баш како и ти. Но ние знаеме дека бременоста во најтоплите месеци од годината не е лесна и може да биде физички и емоционално предизвикувачка. Потењето, отечените нозе, исцрпеноста, промените во апетитот и честата жед се реалност за многу идни мајки. И тоа е во ред, бидејќи бременоста, особено во лето, бара малку поинаква дисциплина, тоа значи да го слушаш телото и да прифатиш дека ова е време кога твојот најголем приоритет си токму ти. И сигурно ќе прашаш: „Но зошто ја чувствувам оваа постојана топлина? Ме следи постојано каде и да сум?“ Бремените жени природно имаат зголемена циркулација и побрз метаболизам. Тоа значи дека во лето, кога температурите достигнуваат и до триесет и пет целзиусови степени, твоето тело чувствува како да има сопствена температура дури и до четириесет целзиусови степени. Од оваа причина се јавуваат и најчестите летни тегоби, како проблемот со отечени стапала, чувството на тешки нозе, па дури и лесната вртоглавица при подолг престој на сонце. Но сè почнува со малку поголема грижа за себе. Така, во текот на долгото лето, водата е твојот најдобар пријател. Не ја чекај жедта. Пиј редовно, на секои триесет до шеесет минути, дури и кога не чувствуваш жед. Ладен, незасладен чај или освежителни напитоци со лимон и краставица можат да ти помогнат да ја одржиш хидратацијата, овозможувајќи ти да се чувствуваш лесно, хидрирано и свежо. Летото и високите температури понекогаш ќе го предизвикаат и твоето расположение. И додека има денови кога се чувствуваш особено емотивно и тешко, ќе има и денови исполнети со смеа, позитивна енергија и ведри мисли за новиот живот што следи. Твоето тело се менува и тоа е навистина прекрасно. Хормоните, но и потребата од повеќе одмор се тука со посебна причина. Твојот организам работи 24/7 на создавање нов живот. Земи пауза и овозможи си простор за почест одмор. Приспособи ја дневната рутина според температурите во текот на денот и организирај прошетки наутро или навечер кога надворешната температура се намалува. Избери памучна и широка облека и едноставно диши. Во сите тие моменти кога си уморна, потиштена, раздразнета, гладна, ама не знаеш за што, кога копнееш по сон, тишина или само една голема воздишка, запомни: сè што правиш сега, го правиш за двајца. Ти веќе го правиш најважното носиш живот и живееш со цел. И токму затоа, кога вложуваш толку љубов, внимание и енергија во секој ден од ова патување, заслужуваш поддршка што ќе те следи во иста мера. Orthomol Natal е природно продолжение на сето она што го правиш за себе. Во комбинација од омега-3 масни киселини (ДХА), витамин D3, култури на бактерии од млечна киселина и сите останати есенцијални микронутриенти, со Orthomol Natal се погриживме да бидеме секојдневна поддршка на твојата бременост и здравиот развој на твоето бебе. Нашата цел беше да ја поддржиме твојата благосостојба, помагајќи ти да се чувствуваш силно, стабилно и спокојно, дури и во најтоплиот период од годината. Ова е твоја сезона. Носи ја со гордост, љубов и доверба во себе.И запомни: не си сама на овој пат. До следната објава,Твојот Orthomol.
Дали знаевте дека еден од омилените „вкусови“ на вашето срце, доаѓа токму од чоколадото? Но не зборуваме за вашата омилена млечна чоколада, туку за една тајна состојка во неа: моќните полифеноли кои ги содржи зрното од какао. Овие природни соединенија имаат неверојатна способност да ја поддржат и заштитат функцијата на срцето, особено во текот на летото, кога поради високите температури е изложено на дополнителен стрес. Но ќе прашате: што точно се полифенолите? Полифенолите се природни хемиски соединенија кои се наоѓаат во растенијата. Како составен дел на растителните органи, тие се одговорни за нивните сензорски својства, нивната боја и вкус, но и многу повеќе. Благодарение на нивното силно антиоксидантно дејство, полифенолите влијаат и врз растот на растенијата и директно ја поддржуваат нивната отпорност од болестите и штетното влијание на ултравиолетовото зрачење. Но уште пофасцинантна е нивната улога врз нашето здравје. Откако ќе ги внесеме преку исхраната, тие продолжуваат да ја истакнуваат својата супер моќ. Благодарение на високите антиоксидантни својства, тие можат да го намалат воспалението, да ја подобрат флексибилноста и еластичноста на артериите и да ги заштитат клетките од оксидативниот стрес, кој за жал останува еден од главните причинители за развој на срцевите болести. Полифенолите имаат позитивен ефект врз липидниот профил во крвта. Така, тие можат ефикасно да го намалат нивото на „лошиот“ LDL холестерол, позитивно влијаејќи на зголемувањето на „добриот“ HDL холестерол. Со тоа се намалува ризикот од таложење на холестерол на ѕидовите на артериите и формирање на атеросклеротични плаки. Сето ова го прави срцето поздраво и поотпорно на стрес. Но зошто е ова особено важно во текот на летото? Летото носи долги сончеви денови, а со тоа и зголемена физичка активност, која води кон поголем напор за срцето. Високите температури предизвикуваат ширење на крвните садови и зголемување на срцевите отчукувања, што значи дека нашето срцето работи понапорно за да ја одржи циркулацијата на крвта. Дополнително, губењето на течности преку потењето, може да доведе до дехидратација, која негативно влијае врз нормалната функција на кардиоваскуларниот систем. Затоа во летниот период е особено важно да се посвети внимание и дополнителна поддршка на здравјето на овој орган. Поддршка која не е замена за здрава храна, туку сојузник кој ќе му помогне на срцето да остане силно, отпорно и стабилно. Го создадовме Orthomol Cardio со таа цел. Покрај секундарните растителни материи, како полифенолите од какао, Orthomol Cardio содржи и други многу важни микронутриенти кои можат да ја поддржат неуморната работа на срцето. Богатиот состав од омега-3 масните киселини EPA и DHA, витамините од групата B, но и пантотенската киселина, магнезиумот, јодот и бакарот, можат значително да го поддржат енергетскиот метаболизам, истовремено обезбедувајќи заштита на целокупната функција на срцевиот мускул. Замислете го како навика. Можност да создадете едноставна, но моќна рутина, која ќе осигура дека вашето срцето ја добива потребната грижа и нутритивна поддршка секој ден од летото. До следната објава.Вашиот Orthomol.
Од многумина од вас сме слушнале дека летото е сезона кога вашата кожа изгледа најдобро. И навистина, летото има начин да направи да се чувствуваме убаво, без многу напор. Тенот, па и појавата на неколку шармантни пеги се секогаш добредојдени, зар не? Од друга страна, посегнуваме по помалку шминка и знаеме да ја цениме и прифатиме нашата природна убавина. Но дали тоа значи дека нашата кожа е најсреќна во лето? Вистината зад летната убавина е сепак малку поразлична. УВ зраците, хлорот, солената вода, потта, па и доцните ноќи, ја изложуваат нашата кожа под постојан стрес. Сонцето или како многумина би го нарекле симболот на виталноста, е всушност еден од најголемите виновници. УВ светлината го забрзува разградувањето на колагенот, создава оксидативен стрес и ги дехидрира подлабоките слоеви на кожата. Од друга страна, солената вода и хлорот, можат да ја намалат одбранбената моќ, директно влијаејќи на заштитната бариерна функција и моќ за регенерација. Затоа иако летото може да изгледа како сезона на здрава, сјајна кожа, всушност тоа е совршено време кога треба да ги дополните вашите летни ритуали за убавина. Подолгите денови го олеснуваат градењето конзистентни навики, како склоноста кон полесна исхрана, повеќе хидратација и поактивен животен ритам. Овие навики можат ја поддржат способноста на телото да апсорбира и да има корист од дополнителната нутритивна поддршка, односно поддршка која доаѓа одвнатре. Ние ја нарековме Orthomol Beauty. Со својата иновативна комбинација од колаген, хијалуронска киселина и фитамин Q10 комплекс, Orthomol Beauty има двојно влијание. Прво, кожата и сврзното ткиво се снабдуваат со хранливи материи преку кои им се враќа еластичноста, затегнатоста и влажноста одвнатре. Второ, колагенските пептиди во Orthomol Beauty ги стимулираат фибробластите (клетки на сврзното ткиво) да произведуваат поголеми количини на колаген. Токму оној кој летото знае да ни го одземе. Не заборавајте, колагенот и хијалуронската киселина се клучни за јачината и влажноста на кожата и сврзното ткиво. Комбинирајќи ги овие две клучни состојки со други микронутриенти, како витамин C, E, селен, биотин и цинк, Orthomol Beauty обезбедува суштински избалансирана комбинација во една формула. Дневна доза сјај, здравје и убавина. Мал, но постојан чин на негување на кожата, кој делува долгорочно и носи радост. До следната објава. Вашиот Orthomol.
Летото пристигна, а со него и топлите денови кои многумина од нас со нетрпение ги очекувавме. Зборуваме за оние долги, летни денови, исполнети со мали моменти кои оставаат најголем впечаток: детското смеење, ладната лимонада и разговорите на отворено во приквечерината. Убавината на новата сезона е неоспорна, но зад неа често се крие замор кој не може да го совладаме само со една освежителна лимонада или кратка дремка. Утрата започнуваат тешко, а во претпладневните часови веќе се прашувате: зошто се чувствувам толку заморно, кога денес речиси и не направив ништо? Многу луѓе го чувствуваат летниот пад на енергијата и често мислат дека тоа е нормално. „Жешко е, па затоа сме исцрпени.“, би рекле многумина. Но што доколку заморот не е резултат на топлото време? Што доколку телото ви сигнализира нешто што не го гледате, а само го чувствувате? Во текот на летните месеци, телото интензивно се лади преку процесот на потење, кој покрај водата, предизвикува значително губење и на есенцијалните микронутриенти од нашиот организам. Така, магнезиумот се троши побрзо во услови на топлина и стрес, а неговиот недостаток може да доведе до појава на чести грчеви во мускулите, раздразливост или хроничен замор. Топлите денови го забрзуваат природниот процес на потење и влијаат кон побрзо губење на цинкот, кој иако често занемарен има клучна улога во имуниот систем, здравјето на кожата и заштитата на клетките од оксидативниот стрес. Од друга страна пак, калиумот и натриумот се клучни за правилна функција на срцето и мускулната активност, а нивната нерамнотежа во текот на летните месеци може да се почувствува во форма на вртоглавица, слабост и низок притисок. Но и витамините спаѓаат во категоријата на овие микронутриенти. Витаминот C, кој е растворлив во вода, често се троши побрзо поради зголемениот телесен напор, а неговиот недостаток е клучен причинител за хроничната исцрпеност. Покрај него, во текот на летото често доаѓа и до намалена апсорпција или внес на витамини од групата B, кои се неопходни за енергетскиот метаболизмот и продукцијата на енергија. На крај, да не заборавиме и на антиоксидансите. За време на летото, поради зголеменото изложување на сонце, кожата троши повеќе антиоксиданси како селен и витамин E, кои помагаат во неутрализирање на оштетувањата од ултравиолетовото зрачење. Иако телото нема „аларм“ што веднаш ќе нѐ извести за овие загуби, симптомите се тука, скриени зад летната летаргија, менталниот замор и чувството на „исцрпеност“, без јасна причина. Честа појава за многумина во лето е да се чувствуваат „исклучени“, иако телото им е будно. Може да заклучиме дека летото може да биде најживата сезона, но само ако му овозможиме на телото сè што му е потребно за да ја издржи топлината одвнатре. Правилната нутритивна поддршка е есенцијална и е предуслов за енергија, баланс и добро расположение. Со Orthomol може да ја надополните секојдневната исхрана и тоа токму таму, каде летото знае најмногу да „одземе“. Затоа силната и значајна поддршка со микронутриенти е клучна за лето исполнето со многу забава, виталност и се разбира неограничен извор на енергија. До следната објава.Вашиот Orthomol.
Чувствувате ненадејна болка во рамото, силен притисок во Ахиловата тетива или неочекувана болка во лактот откако ќе направиме нешто сосема вообичаено, како отворање тегла корнишони додека готвите во кујната? И покрај нивната издржливост, флексибилност и обновливост, не треба да ве изненади фактот што тетивите се подеднакво склони на преоптоварувања како и сите останати делови од телото.Невообичаените, ретко изведувани движења, како на пр. потстрижувањето на живата ограда во дворот, долгото пешачење во несоодветни обувки или трчањето на тврда или нерамна површина, можат да доведат до нарушување на структурниот материјал на тетивите и нивна потенцијална повреда. Но нѐ прашавте: дали постојат регии на кои треба да внимавате и кои се најчесто погодени од прекумерно оптоварување? Во секојдневието ние не ги користиме сите тетиви во телото во иста мера, па затоа и постојат регии кои се најчесто погодени од прекумерно оптоварување или трошење на структурниот материјал. Една од нив е иритацијата на тетивите и бурсата на рамениот зглоб. Несоодветните оптоварувања, на пр. на тетивата на рамото (супраспинатна тетива) се особено присутни поради неповолното кревање на тешки предмети или честите движења над главата, како играњето на ракомет, тенис или голф. За неа исто така, неповолни се и прекумерната употреба на тастатурата и глувчето од компјутерот. Токму она што повеќето од нас го прават најчесто во текот на денот. Друга честа регија е иритацијата на тетивата на екстензорите или флексорите на рачниот зглоб. Повторно, меѓу најпогодените се канцелариските, но и градежни работници, мајсторите и занаетчиите.Доколку раката е оптоварена со прекумерни, повеќечасовни повторувачки дејствија како: работа со чекан, шрафење или кликање на компјутерско глувче, се развиваат микротенки кинења во колагенските влакна на тетивите на подлактицата. Но дали сте слушнале за иритацијата на пателарната тетива?Пателарната тетива го поврзува долниот крај на чашката на коленото со потколеничната коска. Честото скокање и џогирање на тврди површини може да предизвика микро повреди на оваа тетива.Тие се манифестираат со прободувачка болка кога коленото се оптоварува и истегнува, на пр. при качување по скали. Кај дегенерацијата на тетивата позната како „пателарна тендинопатија“, понекогаш се воспалува и бурсата на врвот на чашката на коленото. Оваа дегенеративна болест на тетивата е позната и како скокачко колено (англ. jumper’s knee).Но непријатен и чест е и синдромот на трактусот, односно иритација на лепезата на тетивата (трактус) или надворешната област на зглобот на коленото.Кога трчате или возите велосипед, оваа тетива се трие од коскената испакнатост на зглобот на коленото како „јаже низ карпест гребен“. Особено се погодени оние кои редовно возејќи изминуваат поголеми дистанци. Иако за многумина веќе позната, иритацијата на Ахиловата тетивата е следната регија која би ја вброиле во оваа група. Главните причини за иритација на Ахиловата тетива се големото, константно оптоварување без доволно време за закрепнување и одмор. Бидете особено внимателни при тренинг, бидејќи несоодветното загревање или недоволното истегнување се главните причина за иритација на оваа тетива. На крај би ја споменале и иритацијата на тетивната плоча во пределот на петицата/зглобот на стапалото, односно иритацијата на плантарната фасција. Таа претставува тетива во облик на плоча, лоцирана на долната страна на стапалото. Го стабилизира зглобот и во континуитет е подложена на големи репетитвни оптоварувања, како чекорење, трчање и скокање.Но внимавајте, причинските фактори за преоптоварување на оваа тетива се и слабите мускули на стапалата, стапалата со деформитет, вишокот тежина и несоодветните обувки. Ќе се согласите дека здравјето на тетивите честопати останува незабележано, сè додека не почувствуваме непријатност и болка. Добрата вест е дека многу проблеми со тетивите можат да се спречат. Правилната комбинација од движење, закрепнување и нутритивна поддршка се клучни. Слушајте го вашето тело, останете активни и информирани. До следната објава.Вашиот Orthomol.
Замор?Не повеќе! Доколку сте дел од нашата Orthomol заедница ова веќе со сигурност сте го слушнале. Едно е сигурно: нашите заложби за поголема виталност продолжуваат и овој месец, во кој го славиме летото и убавината на новата сезона. Искористете го промотивниот попуст на специфичната комбинација на Orthomol Vital m и Orthomol Vital f кои ги содржат најважните микронутриенти за мажи и жени. Специфичната комбинација на микронутриенти во Orthomol Vital, му ја даваат потребната поддршка на вашето тело, допринесувајќи за полесно менаџирање на хроничниот замор, исцрпеноста и стресот. Кој е резултатот?Целосна поддршка на нервниот систем и енергетскиот метаболизам, заштитувајќи го вашето тело од болестите предизвикани од стресот. 20% промотивен попуст на следните производи: Orthomol Vital f од 1.6.2025 година до 30.6.2025 годинаво форма на вијали од 4.100 денари на 3.280 денари Orthomol Vital m од 1.6.2025 година до 30.6.2025 годинаво форма на вијали од 4.100 денари на 3.280 денари Промоцијата важи само во аптеките Фила во Скопје и Струмица. Повеќе информации за промоциите и производите:+389 2 310 4926, Фила Аптека Скопје, клиничка болница „Жан Митрев“+389 34 320 303, Фила Аптека Струмица, „Жан Митрев Дијагностик“+389 71 261 966, +389 2 310 4996 , Orthomol Македонија
Кога размислуваме за потребата од снабдување на нашето тело со потребните хранливи материи, честопати се фокусираме на мускулите, коските, па дури и на мозокот, но што со тетивите? Тие ги поврзуваат мускулите со коскената структура, ја пренесуваат силата на мускулно-скелетниот систем и се грижат за мобилноста и флексибилноста на зглобовите. Иако многумина би помислиле дека дегенеративните заболувања на тетивите се најчести кај спортистите, сепак прекумерното оптоварување кое може да резултира во повреда, иритација или оштетување на тетивите, може да му се случи на секој од нас, па дури и при извршување на секојдневните домашни обврски и рекреативните физички активности. Го реновиравте станот и ги бојадисавте ѕидовите, ама сега едвај можете да се исправите или да ја облечете јакната, затоа што премногу ве болат рамената? Иако можеби не размислуваме често за нив, тетивите се постојано метаболички активни и како секое друго ткиво се подложни на повреди, кои бараат соодветни мерки на поддршка. Една од нив е токму оптималната исхрана богата со микронутриенти, неопходни во процесот на поддршка, одржување и регенерација на сврзното ткиво. Како малите, но моќни микронутриенти од нашата исхрана всушност стигнуваат до тетивите? Откако ќе консумираме оброк богат со есенцијални витамини и минерали, варењето на храната го започнува сложениот процес на апсорпција. Микронутриентите, меѓу кои витаминот C, цинкот, манганот, бакарот и селенот, низ желудникот се разградуваат во цревата и се апсорбираат во крвотокот, преку кој циркулираат низ телото. Она што ќе ви го кажеме следно е мошне интересно. За разлика од мускулите, тетивите се релативно хиповаскуларни структури низ кои минуваат недоволен број на крвни садови. Ова резултира со релативно низок проток на крв во оваа област.Дополнително по 30-тата година сопственото снабдување со крв на тетивите уште повеќе се намалува. За разлика од мускулите, тоа го прави процесот на доставување на хранливи материи до тетивите многу посложен. И покрај ова, како телото успева да ги снабди тетивите со хранливи материи? Тие стигнуваат до тетивите преку два извори: мала мрежа на крвни садови и синовијалната течност која се наоѓа во обвивките што ги опкружуваат тетивите, особено во областите изложени на триење и движење. Овие извори им овозможуваат на микронутриентите полека да навлезат во ткивото на тетивата, достигнувајќи ги теноцитите, специјализираните клетки кои ја одржуваат и поддржуваат екстрацелуларната матрица на тетивите.Замислете ги теноцитите како чувари на здравјето на тетивите. Тие се одговорни за производство на колаген, главниот протеин од кој зависи цврстината и флексибилноста на тетивите.Со цел да ја извршат нивната функција, тие се потпираат на постојано снабдување со специфични микронутриенти. Така на пример, витаминот C, игра клучна улога во синтезата на колагенот. Минералите пак, како цинкот и манганот придонесуваат за антиоксидантната одбрана и формирањето на ензими потребни за регенерација на ткивата. Бакарот е неопходен за вкрстено поврзување на колагенските и еластинските влакна, обезбедувајќи ја структурната рамка што ги одржува тетивите отпорни. Забележувате, поддршката на здравјето на тетивите е тивок, но витален процес. Токму ова е идејата зад производите како Orthomol Tendo – дизајнирани да обезбедат насочена нутритивна поддршка за тетивите, лигаментите и сврзното ткиво. Секој пат кога скокате, туркате или трчате, запомнете дека вашите тетиви работат напорно, а микронутриентите се оние кои тивко ги одржуваат во форма. Им даваат сила и ви помагаат да се движите и напредувате без болка. До следната објава.Вашиот Orthomol.
