Секој од нас посакува да ја сочува природната убавина. Таа е одраз на внатрешната хармонија на телото и духот. Низа внатрешни и надворешни фактори, како стресот, начинот на исхрана, брзото животно темпо, но и генетиката и хормоните влијаат на процесот на стареење. Добрата вест е дека овие фактори во одредени граници може да се контролираат. Наша цел во Orthomol беше токму таа, да се спротивставиме на стареењето со позитивни резултати. Како го постигнавме тоа? Ќе почнеме од почеток. Стареењето е составен дел од животот. Природен процес кој треба и мора да го прифатиме. Но најважно е да ја разбереме суштината. Навистина малкумина го разбираат или сакаат да го прифатат стареењето како составен дел од животниот циклус. Би сакале да ни дозволите да ви помогнеме во тоа. Како што старееме, нашиот метаболизам забавува, значително намалувајќи го снабдувањето на кожата со потребните хранливи материи. Присуството на колаген и хијалуронска киселина кои им ги даваат на кожата и сврзното ткиво структурата, јачината и влажноста се намалуваат. Прв чекор за многумина во справувањето со овој процес се козметичките производи, користејќи ги како основно средство за справување со факторите на стареењето. Нивните компоненти најчесто не продираат до внатрешните слоеви на кожата и сврзното ткиво, а бидејќи како природен процес, кожата старее одвнатре, ефектите кои се добиваат се краткорочни. Ако се запрашате како внатрешните слоеви на кожата можат да ја добијат потребната поддршка, одговорот е следен. Го создадовме Orthomol Beauty, напивка која успеа да ја декодира тајната за одржување на „природната убавина“. Со својата иновативна комбинација од колаген, хијалуронска киселина и фитамин Q10 комплекс, Orthomol Beauty има двојно влијание. Прво, кожата и сврзното ткиво се снабдуваат со хранливи материи кои одвнатре ги враќаат еластичноста, затегнатоста и влажноста.Второ, колагенските пептиди во Orthomol Beauty ги стимулираат фибробластите (клетки на сврзното ткиво) да произведуваат поголеми количини на колаген. Исто така, благодарение на соработката со дерматолозите ширум светот и нашето долгогодишно искуство со ортомолекуларни активни состојки, формулацијата на Orthomol Beauty ја збогативме со многу други микронутриенти, важни за здравјето на кожата, косата и ноктите. Покрај колагенот и хијалуронска киселина, Orthomol Beauty содржи и уникатен комплекс на фитамин Q10, комбинација од есенцијални витамини и коензим Q10, со фитоекстракт од маслинка. Полифенолите содржани во овој фитоекстракт, како на пр. хидрокситирозолот содржат моќни антиоксиданти карактеристики кои придонесуваат за спречување на процесот на стареење на кожата, спречувајќи го нејзиното оштетување од надворешни фактори. Замислете, овој совршен заштитен механизам е и една од причините зошто маслиновите дрвја живеат толку долго. Токму затоа, нивниот фитоекстракт е важен елемент и во нашата формула за убавина. На крај, да не заборавиме и на витаминот C, E, цинкот, биотинот , но и селенот , кој се суштински состојки во нашата формула за убавина. Витаминот C го поддржува процесот на нормално формирање на колагенот , а заедно со витаминот Е, цинкот и селенот придонесува за заштита на клетките од оксидативен стрес. Дополнително, селенот и цинкот придонесуваат и за одржување на здравјето на ноктите, а заедно со биотинот се клучни и во одржувањето на здравата коса. Дали можеби сега го имате одговорот како може да ја поддржите природната убавина? Можеби не безвременската, но онаа суштинската. Останете убави. Природно убави одвнатре. До следната објава.Вашиот Orthomol.
Дали и вие страдате од болка во тетивите?Чувствувате промени во зглобовите како резултат на остеоартритис? Овој февруари, ви нудиме шанса да дадете приоритет на вашата мобилност, флексибилност и сила, со моќни ортомолекуларни формулации, богати со најважните микронутриенти за поддршка на здравјето на локомоторниот систем. Не пропуштајте 20% промотивен попуст, од 1 февруари до 28 февруари 2025 година на следните производи: Orthomol Tendoво форма на прашок, капсули и таблети од 3.700 денари на 2.960 денари Orthomol Arthroplusво форма на прашок и капсули од 3.700 денари на 2.960 денари Orthomol Osteoво форма на прашок од 3.400 денари на 2.720 денари Во едно сме сигурни: нашиот локомоторен (мускулно-скелетен) систем ја извршува основната динамичко-кинетичка функција на нашето тело.Преземањето проактивни чекори за поддршка на густината на коските, флексибилноста на зглобовите и јачината на тетивите е основа за активен живот, без ограничувања. Повеќе информации за промоциите и производите:+389 2 310 4926, Фила Аптека Скопје, клиничка болница „Жан Митрев“+389 34 320 303, Фила Аптека Струмица, „Жан Митрев Дијагностик“+389 71 261 966, +389 2 310 4996 , Orthomol Македонија
Позната ви е следнава ситуација: значително го зголемивте интензитетот на тренинг пред претстојната ски сезона, па сега вашата Ахилова тетива отекува и ве боли при секој направен чекор? Несомнено е дека пренапрегањето или долготрајното напрегнување водат кон микроскопски тенки кинење на тетивите и болен оток во околното ткиво. Со оглед на тоа дека снабдувањето со крв на тетивите е релативно слабо, тие бавно заздравуваат. Па оттука е и онаа постојана болка. Замислете ја тетивата како јаже составено од поединечни колагенски влакна. Меѓусебно поврзаните влакна имаат посебна цврстина, но при преголемо напрегнување или постојано триење, делови од тие влакна се кинат. Со цел да се обноват, клетките на тетивата мора да произведат нови колагенски влакна. За да се постигне овој структурен процес, на тетивата ѝ е потребно време, но и доволно ензими и микронутриенти, како што се витамините, елементите во трагови и есенцијалните масни киселини. Па сигурно ќе се запрашате, кои се тие микронутриенти и како истите можат да дадат поддршка во процесот на регенерација? Во фазата на обнова на тетивите, поточно на клетките на тетивата, потребни им се протеински компоненти со цел производство на нов, механички отпорен колаген. Ова вклучува аминокиселини како: глицин, пролин и лизин.Колаген хидролизатот, содржи големи количини од овие аминокиселини, што ги прави достапни при синтезата на колагенот. Хијалуронската киселина е исто така важна компонента на структурата на тетивата и главна компонента на синовијалната течност, односно течноста за подмачкување во тетивните обвивки. Нејзините антиинфламаторни својства помагаат во ублажување на болката и отокот поврзани со повредите на тетивите, забрзувајќи го закрепнувањето и регенерацијата. Но, тука се и ензимите. Па така, бромелаинот и папаинот, помагаат да се разложат поголемите колагенски фрагменти кои произлегуваат од уништувањето на колагенските влакна. Разградувајќи го оштетениот или вишокот колаген и другите протеини во ткивото на тетивата, ензимите помагаат да се исчистат клеточните остатоци и да се промовира фазата на регенерацијата. Но, сигурно ќе прашате: што со антиоксидансите? Тоа е одлично прашање.При преоптоварување, во тетивите може да се развијат зголемени количини на т.н. слободни радикали, кои го нарушуваат метаболизмот на тетивите и нивната регенерација. Оттука, потребен е поголем број на хранливи материи кои делуваат како антиоксиданти кои ќе можат да ги неутрализираат овие слободните радикали, промовирајќи поголема синтеза на колаген. Особено ефикасни се витамините C и E, како и секундарните растителни материи. Но, да не заборавиме и на есенцијалните масни киселини, минералите и елементите во трагови. Во различни фази на заздравување на тетивите, особено во фазата на воспаление, потребни се материи како што се омега-3 масните киселини, кои го поттикнуваат развојот на антиинфламаторни супстанции во телото.Од друга страна пак, минералите и елементите во трагови, како магнезиумот, цинкот, бакарот и селенот имаат силна улога во процесот на синтеза на колагенот, заштита од слободните радикали и формирање на структурата на тетивата. Запомнете, тетивите се обновливи, но ние во најголем број од ситуациите не им го овозможуваме потребното време и соодветните мерки за поддршка.Затоа, го создадовме Orthomol Tendo. Плод на науката, кој има за цел да обезбеди моќна комбинација на витамини, минерали и други клучни хранливи материи специјално формулирани за поддршка на здравјето на тетивите, намалување на воспалението и промовирање на долготрајна сила и флексибилност. Зарем не е време вашите тетиви да ја добијат потребната поддршка за да го поддржат секој ваш потег? До следната објава.Вашиот Orthomol.
За секој што живее со остеоартритис, идејата и желбата за вежбање може да биде меч со две острици. Од една страна, знаеме дека потребата да останеме активни е од суштинско значење за нашето целокупно здравје, но од друга страна, го имаме оној постојан страв дека претераното движење може да ја влоши болката. За многумина пак, кои се соочуваат со остеоартритични промени, идејата за вежбање може да звучи дури и застрашувачка. Oттука, се поставува прашањето, дали спортот е навистина наш пријател кога станува збор за дегенеративните заболувања на зглобовите? Доколку ви е дијагностициран остеоартритис, сѐ додека разумно спортувате, немате потреба од грижи, бидејќи тоа не значи дека вашите спортски денови се завршени. Клучот за управување со остеоартритисот не е во целосното избегнување на вежбањето и физичката активност. Впрочем, типот на вежби кои ќе ги изберете може да направи значителна разлика во управувањето со симптомите и подобрувањето на здравјето на зглобовите. Решението е да се фокусирате на активности кои ги зајакнуваат мускулите, ја подобруваат флексибилноста и ја одржуваат мобилноста, минимизирајќи го оптоварувањето на погодените зглобови. Студиите покажуваат дека умерената физичка активност, која честопати може да биде во форма на брзо одење или благо истегнување, може да ја подобри функцијата на зглобовите, да ја намали болката и да го подобри севкупниот квалитет на живот, но тука се и пливањето, возењето велосипед, пешачењето, јогата и други физиотерапевтски вежби кои можат да бидат составен дел од вашата спортска рутина. Од друга страна пак, вежбите со силни скокови, трчањето и прекумерните тренинзи со голема тежина, можат да го предизвикаат токму спротивното, дополнително да ги оптоварат зглобовите, зголемувајќи ја болката, отокот, но и ризикот од нови повреди. Но дали знаевте дека правилната физичка активност всушност може да влијае и на тоа колку добро хранливите материи стигнуваат до вашите зглобови? Здравите зглобови бараат постојано снабдување со клучни хранливи материи, како колаген, глукозамин и антиинфламаторни соединенија за одржување на здравјето на ‘рскавицата, намалување на оштетувањето и поддршка на подвижноста. Кога вежбаме, се зголемува циркулацијата на крвта, од која пак зависи колку поефикасно ќе се транспортираат овие виталните хранливи материи до ‘рскавицата, мускулите и ткивата во зглобовите. Без соодветна циркулација, зглобовите можеби нема да ги добијат хранливите материи што им се потребни, што потенцијално ќе го забави закрепнувањето и ќе го зголеми ризикот од повреда.Затоа поддршката на зглобовите со соодветни хранливи материи е исто толку важна колку и тоа да останете активни. Нашиот Orthomol arthroplus, комбинира моќни хранливи материи кои помагаат да се одржи здравјето на ‘рскавицата, коските и останатото сврзно ткиво и да се намали воспалението. Со силни диететски и функционални карактеристики, создадовме активен комплекс за ‘рскавицата, кој го спречува воспалението и болката од дегенеративно заболување на зглобовите.Не станува збор за замена на вежбањето, туку за целна поддршка на зглобовите. Замислете го како храна за истите. Можност да останете силни и еластични, уживајќи во движењето без болка. Остеоартритисот не мора да ве спречи да останете активни или да уживате во животот. Со правилен пристап, внимателно вежбање, соодветна грижа за зглобовите и правилна нутритивна поддршка, вие со сигурност може да ги одржите зглобовите во најдобра можна форма. Ние можеме да ви помогнеме во тоа! До следната објава.Вашиот Orthomol.
Новата година е на самиот праг, а со неа и сите празнични моменти и семејни прослави во кои храната и вкусовите на традицијата имаат посебно значење. Моќ да не обединат, но и сплотат во позитивна мисла, взаемна почит, разбирање и љубов. Зар, вековната божиќна и бадникова трпеза не носи некоја посебна возбуда? Многумина велат, храната е форма на љубов, па и ние би се согласиле со тоа, храната е живот, среќа и задоволство, но и важен дел од нашата радост и традиција. Во Orthomol веруваме дека одржувањето на здравиот начин на живот не значи пропуштање на животните задоволства, особено кога станува збор за храната и желбата да уживаме во празничните вкусови, карактеристични за овој период од годината. Сигурно би се запрашале, како да уживате во секој залак од празничната трпеза, а да не чувствувате вина? Прво, не се чувствувајте виновни поради удобноста на празничниот комфор, но внимателно следете ги знаците на вашето тело. Уживајте во секој залак, но практикувајте свесно јадење. Дополнителните порции на месо, заменети ги со голема порција свежа салата, растителни протеини или храна со висока содржина на растителни влакна. Ваквата храна, ги намалува нивоата на грелин, познат како „хормон на гладот“, кој го стимулира истиот во организмот и го промовира чувство на ситост и полн стомак. Од друга страна пак, салатите се богати со фитостероли, витамини и минерали, кои помагаат во намалувањето на холестеролот. На пример, темнозелениот листест зеленчук, слаткиот компир и тиквите, но и зелката, брокулата и карфиолот се богати со витамини и минерали, содржат помалку калории, а можат да бидат и одлична основа за секој празничен специјалитет. Но, што се случува кога станува збор за слатките? Колку и да се трудиме да се придржуваме до урамнотежената исхрана, секогаш има некое слатко задоволство на кое не можеме да му одолееме. Многумина со нетрпение ги очекуваат чоколадните шишарки, божиќниот куглоф, домашната алва, баклавата и сите оние рецепти со децениска традиција. Би ве советувале да уживате во вкусовите, но внимавајте на рамнотежата во внесот.Внимателно балансирајте ги шеќерите и прекумерната консумација на слатки, кои го зголемуваат нивото на шеќер во крвта, што доведува до енергетски падови, промена во расположението, но и негативно влијаат на имунолошкиот систем. Не заборавајте, храната треба да биде и дел од искуството. Уживајте во секој залак, но трудете се да одвојте време за побавно јадење. Истражувањата покажуваат дека потребни се од 20 до 30 минути по консумирањето на храната, мозокот да ја препознае информацијата за ситост. Затоа, не дозволувајте брзото јадење да води кон прејадување, што на долг рок би можело да резултира и во покачена телесна тежина. На крај, не заборавајте на хидратацијата. Пиењето вода во текот на денот помага во непречено одржување на метаболизмот, го поддржува варењето и го зголемува нивото на енергија, помагајќи ви да се чувствувате добро, дури и после второто парче торта. Посегнувајте по вода, наместо засладени пијалаци и алкохол. Познато е дека за време на празниците, многумина уживаат во вкусот на вареното вино со цимет и портокал, но едноставен трик е да пиете чаша вода пред секој оброк или кога посегнувате по некое вакво „уживање“. Не само што ќе ви помогне да останете хидрирани, туку ќе ви помогне и да се чувствувате сити и задоволни. Здравото празнично искуство не е ограничување, туку правење правилен избор за вас, вашето здравје и тело. Останете насмеани, споделувајте радост и уживајте во празничната магија. До следната година.Вашиот Orthomol.
Денес ѝ посакуваме добредојде на зимата, но дали знаевте дека токму денешниот ден е и најкраткиот ден во годината? Тој ќе трае 8 часа и 47 минути, за разлика од ноќта која ќе биде најдолга и ќе трае околу 15 часа. За многумина, зимската краткодневица е потсетник за годишната сезона која носи многу радост, но и многу предизвици. Еден од нив е токму нашиот имунитет, или како што ние честопати сакаме да го наречеме нашата природна, севкупна имунолошка одбрана. За време на зимскиот период, нашиот имунолошки систем се соочува со потежок предизвик од вообичаеното. Студеното време, пократките дневни часови и помалата влажност, создаваат совршени услови за развој на вируси, како грипот и настинките. Дополнително, многумина имаат тенденција да поминуваат поголем дел од времето во затворени простории, зголемувајќи ја изложеноста и ширењето на бактериите. И покрај ова, пократките денови носат и други предизвици. Па така, недостатокот на сончева светлина во текот на зимските месеци може да доведе до дефицит на витамин D, витална хранлива материја која игра клучна улога во функцијата на нашиот имунолошкиот систем. Како друг главен фактор е и неурамнотежената исхрана. За време на зимските денови, исполнети со многу празнични моменти, стануваме помалку внимателни за типот и количината на храна која ја консумираме, особено онаа која е богата со микронутриенти, клучни за имунолошката компетентност на нашиот организам. Но, кои се тие микронутриенти и зошто се толку значајни за нашиот имунолошки систем во зима? Дел од микронутриентите вклучени во процесите за создавање на природна имунолошка одбрана ги вклучуваат: витамините А, C, D и E и елементите во трагови, како селенот и цинкот. Овие компоненти имаат корисен ефект врз имунолошката реакција и активирање на одбраната од микробите, како што се бактериите и вирусите. Витаминот C на пример, е познат по своите антиоксидантни својства и неговата способност да го стимулира производството на бели крвни зрнца, кои помагаат во борбата против инфекциите. Витаминот D пак, познат како „витамин на сонцето“, има суштинско значење во процесот на активирање на имунолошките одговори на нашиот организам и во намалување на воспалението. Од друга страна пак, цинкот го поддржува развојот и функцијата на имуните клетки и му помага на телото да се бори против инфекциите. Селенот има антиоксидантни својства кои ги штитат клетките од оштетување, а исто така игра клучна улога и во одбранбените механизми на телото. Кога станува збор за железото, тоа е од суштинско значење за транспортот на кислород во крвта и поддршка на производството на имуните клетки.Недостатокот на било кој од овие микронутриенти може да го ослаби имунолошкиот систем, а со тоа и неговата способност за одбрана. Нашата задача во Orthomol е да се осигуриме дека вие, вашето семејство и вашите најблиски можете целосно да се препуштите на убавините на снежната сезона. На планинските прошетки, на спортските авантури и на сѐ она кое ве прави среќни. Без настинки, здодевни вируси и денови поминати дома. Како комбинација од 25 микронутриенти меѓу кои, витамини, фитонутриенти и елементи во трагови, нашиот Orthomol Immun ја зајакнува имунолошката одбрана одвнатре и му овозможува на вашето тело урамнотежена секојдневна поддршка. Ние го нарекуваме чувар на вашето здравје. Затоа, оваа зима, не го оставајте вашиот имунитет на случајност. Одвојте миг да го подготвите за она што ви претстои, преку соодветна нутритивна поддршка. Останете силни. Останете здрави. До следната објава.Вашиот Orthomol.
Како родители, го сакаме најдоброто за нашите деца, особено кога станува збор за нивното здравје. Зар не сме под постојан притисок кога станува збор за урамнотежената исхрана? Постојано се грижиме дали се активни, но и дали спијат доволно. Сепак, без разлика колку внимание и грижа посветуваме на нивните секојдневни рутини, првиот декемвриски ветар задолжително носи едно мало „апчиха“. Без разлика дали е од студеното време, од браќата и сестрите или од училиште, микробите се присутни насекаде. Едно е сигурно, малото „апчиха“, набрзо прераснува во кашлање. И тука веќе се прашувате: дали можеби ова е првиот знак за недостаток на одредени витамини? Можеби витамин C? Витаминот C е моќен антиоксиданс кој помага во заштита на клетките од оштетување, ги поддржува природните одбранбени механизми на телото и помага во апсорпција на железото од храната. За децата, овие процеси се од суштинско значење. Но, како да бидете сигурни дали вашето дете навистина ги исполнува дневните потреби за витамин C? За многу од нас, настинките се првата асоцијација за потенцијален недостаток на витамин C кај децата. Тој е добро познат по неговата способност да го поддржува имунолошкиот систем, директно влијаејќи на целокупната одбранбена моќ на телото. Недостатокот на оваа суштинска хранлива материја може да го намали имунолошкиот одговор кај децата, што ја отежнува способноста на телото да се бори со инфекциите и вирусите. Но, внимавајте, многу родители, симптомите поврзани со недостатокот на витамин C можат да ги измешаат со настинка, занемарувајќи ја клучната улога на оваа хранлива состојка. Затоа е многу важно да ги препознаеме и останатите потенцијални симптоми кои можат да укажат дали станува збор за недостаток од овој витамин. На пример, здравјето на кожата. Здравата кожа зависи од производството на колаген, а замислете витаминот C има клучна улога во неговото производство. Ако кожата на вашето дете изгледа сува, груба или иритирана, тоа може да биде важен показател. Во многу случаи недостатокот на витамин C, може да доведе и до побавно заздравување на исечениците и модринките, кои може лесно да ги забележите со оглед на тоа што се составен дел од палавото детство на нашите мали супер херои. Посветете внимание на истите, бидејќи брзото добивање на модринки од помали повреди кои и не би требало да резултираат во модринка можат да биде клучен сигнал. Но, недостатокот на витамин C може да се забележи и преку оралното здравје. Здравите непца се од витално значење, а недостатокот на витамин C често може да резултира во отечени и крвави непца. Па затоа, не ја занемарувајте промената на непцата додека вашето дете ги мие запчињата. Тука се и заморот и исцрпеноста или, како што секој родител би кажал, онаа ненадејна „раздразливост“ кај децата. Веројатно нема термин кој би ја опишал оваа појава, но со ова однесување се соочил секој родител, а одговорност може со сигурност да најдеме и во недостатокот на витамин C. Тој e вклучен во производството на невротрансмитери кои го регулираат расположението и енергијата кај децата, а недостаток на овој клучен витамин може да предизвика вашето дете да се чувствува невообичаено уморно и нерасположено. Но, повторно, останува прашањето како да бидете целосно сигурни дали вашето дете навистина ги исполнува дневните потреби за витамин C? Подготвени за деновите кога имунолошкaта одбрана ќе потфрли, го создадовме нашиот Orthomol Junior c plus. Микронутритивен додаток во исхраната, богат со 25 микронутриенти во комбинација од витамини, фитонутриенти и елементи во трагови, во форма на таблети за џвакање со вкус на диви бобинки и мандарина. До следната објава.Вашиот Orthomol.
Појадокот е најважниот оброк во денот. Зар има некој што не го слушнал ова? Но, што доколку ви кажеме дека вашата утринска рутина може да биде тајната за оптимално здравје кое ќе ве следи во текот на целата година? Начинот на кој го започнувате денот има моќ да влијае не само на вашето расположение, туку и на имунитетот, нивото на енергија и целокупната благосостојба. Замислете дека го започнувате секое утро со збир на секојдневни навики кои не само што ќе ви овозможат добро расположение, туку и ќе го зајакнат вашиот имунолошки систем и ќе ви помогнат да се чувствувате добро во текот на целата година. Сè започнува со една едноставна работа – цел. Како ќе изберете да ги поминете првите неколку часа наутро може да има влијание врз остатокот од денот. Затоа, денес сакаме да зборуваме за неколку едноставни, но ефективни начини со кои можете да ги надополните вашите утра. Би започнале со хидратацијата. По осум часа сон, на вашето тело му се потребни течности. Замислете ја водата како будилник за вашиот метаболизам, овозможувајќи му да ги исфрли непотребните токсини и да го подготви телото да ги апсорбира хранливите материи во текот на денот. Потоа следува појадокот. Одберете храна која го поттикнува вашето тело и го зајакнува вашиот имунолошки систем. Свежото овошје, лесните сендвичи од интегрален леб, хумус и растителни намази или интегралните житарки во комбинација со семки или јаткасти плодови можат да обезбедат одлична рамнотежа на влакна, здрави масти и антиоксиданти кои на вашето тело му се секогаш добредојдени. За жал, многумина од нас не консумираат или ја консумираат многу поретко од препораките на светските експерти, храната богата со хранливи материи. Истражувањата покажуваат дека 75% од населението не успева да ja задоволи минималната дневна препорака за внес на потребното количество на овошје и зеленчук во текот на денот. Ова резултира во значителни недостатоци во снабдувањето со повеќето микронутриенти, клучни за имунолошката одбрана. Па сигурно ќе се запрашате, како може да го промениме тоа? Како може да го задоволиме внесот на сите потребни микронутриенти важни за имунолошкиот систем? Всушност овие прашања ги имавме и ние. Токму тие нè инспирираа да го најдеме одговорот. Одговорот е поддршка. Нашиот Orthomol Immun e креиран за таа цел. Полн со есенцијални витамини и минерали, како витамин C, витамин D, цинк и селен, Orthomol Immun е совршена поддршка за вашата утринска рутина. Ја поддржува нормалната функцијата на имунолошкиот систем, го зајакнува енергетскиот метаболизам, но и ги заштитува клетките од оксидативен стрес. Едноставно, ја обезбедуваа онаа мала дополнителна помош која ви е најпотребна. Запознаени сме со брзото темпо на живот, но исто така знаеме дека грижата за вашето здравје не мора да биде комплицирана. Лесната форма на администрација нема да ви одземе ниту една минута. Во форма на таблети, вијали за директна употреба или прашок за брзо растворање, вашата дневна поддршка, богата со повеќе од 25 микронутриенти е создадена за брзите утра. Создадена за сите нас кои мислат дека утрата се премногу кратки за да завршиме сите обврски навреме. Па, зошто да не започнете веднаш? Без разлика дали сакате да го зајакнете вашиот имунитет, да се борите против стресот или едноставно да ги подобрите дневните нивоа на енергија, време е вашето здравје да биде на прво место. Секое утро и секој ден. До следната објава.Вашиот Orthomol.
Како што старееме, нашите приоритети се менуваат.Размислуваме повеќе за нашето здравје, за семејство, па и за задоволството од животот. Но, она што е интересно е тоа што истражувањата покажуваат дека мажите со стареењето имаат тенденција да бидат посреќни? Фасцинантен факт, нели? Затоа, во месецот посветен на машкото здравје и благосостојба, сакавме заедно со вас да откриеме што се крие зад овој тренд. Зошто мажите, статистички гледано, имаат тенденција да бидат посреќни од жените во своите подоцнежни години? Факторот здравје, е првиот сегмент кој дава објаснување на родовиот јаз во среќата. И покрај подолгиот животен век, по менопаузата жените се изложени на поголем ризик од здравствени состојби како, остеопороза, артритис и депресија. Овие здравствени предизвици можат значително да ја отежнат нивната емоционалната благосостојба. Мажите пак, во нивните 60-ти и 70-ти години истакнуваат дека се во „добро“ или „одлично“ здравје. И покрај тоа што и мажите на оваа возраст се соочуваат со низа здравствени предизвици, истражувањата покажуваат дека истите се соочени со помалку хронични, исцрпувачки болести кои ја ограничуваат нивната мобилноста и независност. За многу од нив, ова се претвора во подобар квалитет на живот, а тоа може да биде главен фактор за повисокото ниво на среќа. Хормоналните промени кои доаѓаат со стареењето, играат значајна улога. Мажите доживуваат постепено опаѓање на нивото на тестостерон, кое влијае на нивното расположение, енергијата и либидо. Сепак, овие промени се често посуптилни од хормоналните флуктуации со кои се соочуваат жените. За многу жени, падот на естрогенот по менопаузата може да доведе до промени во расположението, анксиозност и депресија. Според Медицинскиот факултет на Харвард, околу 60% до 70% од жените доживуваат симптоми поврзани со расположението по менопаузата, во споредба со само 30% до 40% од мажите кои се соочуваат со слични емоционални промени поврзани со падот на тестостеронот. Социјалниот фактор пак, отвара уште една интересна перспектива поврзана со среќата. Мажите имаат тенденција да имаат помали, постабилни социјални кругови, често потпирајќи се на својот сопружник или на неколку блиски пријатели за поддршка. За нив, ова обезбедува доволна емоционална стабилност, време за себе и грижа за сопственото ментално здравје. Жените пак, се во сосема поинаква позиција. Се грижат за семејството, домашните обврски, но и нивните социјални кругови, сето тоа додека се обидуваат да најдат време за сопствената благосостојба. Студиите покажуваат дека жените имаат тенденција да преземаат поголема одговорност и грижа за нивните сопружници, пријатели и семејство, што може да доведе до повисоки нивоа на стрес, помалку време за себе, а со тоа и помалку ментална енергија да се фокусираат на сопствената среќа. Да не заборавиме и на финансискиот фактор. Финансиската сигурност одигрува огромна улога во среќата, особено во нашите подоцнежни години. Така, во просек, мажите имаат тенденција да имаат поголеми заштеди, пензија, а со тоа и поголема финансиска стабилност.Оваа финансиска состојба обезбедува чувство на сигурност, го намалува стресот и овозможува поудобно и посреќно пензионирање. За жал, родовиот јаз во платите сè уште ги остава жените во помалку поволна финансиска положба од мажите. Истражувањата покажуваат дека 14% од жените над 65 годишна возраст живеат под прагот на сиромаштија. Едно е сигурно. Без разлика на полот, среќата во подоцнежните години е достижна за секого. Во Orthomol веруваме дека клучот за напредување во подоцнежните години од животот зависи од тоа какви промени можеме да направиме денес. Инвестирајте во вашето здравје, посветете повеќе време за себе и правете го она што ве прави навистина среќни.Најсреќните години од вашиот живот би можеле да претстојат доколку сте подготвени целосно да ги прифатите. До следната објава.Вашиот Orthomol.
Замислете го ова: се подготвувате за една од најголемите одлуки во животот и сакате да го дадете најдоброто од себе, сакате да станете татко. Идејата да се биде родител носи посебна возбуда. Помислата да го држите вашето дете за прв пат, да го водите низ животните авантури и да го гледате како расте е една сосема поинаква животна цел. Би се согласиле дека оваа мисла поттикнува нешто длабоко во вас. Сепак, за многумина патот до родителство е потежок отколку што претпоставувате. Приближно еден од осум парови доживуваат неплодност, а во околу 40% од овие случаи, вие сте оној на кој му е потребна помош. Ова значи дека околу 15% до 20% од мажите во општата популација се соочуваат со проблеми поврзани со плодноста. Нарушувањата на машката плодност најчесто се должат на намалениот квалитет на спермата, што е еден од клучните фактори кога планирате да имате дете. Оваа тема честопати е табу и не се споделува. Ние сакаме да го промениме тоа. Сакаме да зборуваме за вашето репродуктивно здравје. За предизвиците со кои се соочувате на патот да станете родители и за квалитетот на спермата како важен предуслов за истото. Сакаме да ве поддржиме во ова патување и да се осигуриме дека сте во најдобра форма, како? Преку природна поддршка поттикната од урамнотежена исхрана богата со микронутриенти. Веруваме дека звучи неверојатно, но научните студии веќе одамна го потврдија тоа. Плодноста може да биде поддржана од микронутриентите кои природно се присутни во нашата храна, а имаат позитивен ефект врз клеточната делба и сперматогенезата, пред сè поради нивните нутриционистички карактеристики. Но, тука сигурно ќе прашате: кога и како ќе знаете во колкаво количество ги внесувате истите? Која храна треба почесто да ја консумирате? Ние го направивме тоа за вас. Препознавме дека ефектите на поединечните микронутриенти се надополнуваат едни со други и дека вистинската комбинација е од суштинско значење за вас. Така, го создадовме Orthomol Fertil plus. Цинкот во Orthomol Fertil plus придонесува за нормална плодност и репродукција, но и одржување на нормалното ниво на тестостерон во телото. Селенот пак, е одговорен за поддршка на нормалната сперматогенеза, а заедно со бакарот, витаминот C, витаминот Е и цинкот придонесува и за заштита на клетките од оксидативен стрес. Од друга страна пак, моќта на ортомолекуларната формула се состои и во богатото количество на витамините B6, B12 и D, кои придонесуваат за нормален метаболизам на хомоцистеинот и клеточната делба. Заедно со сите останатите важни состојки, во кои влегуваат и Л-карнитинот, коензимот Q10 и омега-3 масните киселини, Orthomol Fertil plus ги подобрува шансите да основите семејство, преку директно подобрување на квалитетот на спермата од аспект на трите клучни параметри: подвижност, форма и густина. Како најдобро да го сфатите тоа? Како засилување за вашите пливачи, опремувајќи ги со енергија, еластичност и сила потребна за да стигнат до нивната крајна цел – јајце клетката. Сите знаеме дека полесно е да се каже отколку да се направи, но ве предизвикуваме да се обидете. Со мали, но значајни промени во животниот стил и поддршка од Orthomol Fertil plus, вашето патување ќе добие нова смисла. До следната објава. Вашиот Orthomol
